Lady Finger Ke Fayde Bhindi Khane Ke Fayde Bhindi Ke Faide In Urdu Bhindi Ke Benefits In Hindi
 |
Lady Finger Benefits For Health
|
Health Benefits Of Ladyfinger In Hindi Lady Finger Benefits In Urdu
 |
Bhindi Khane Ke Fayde In Urdu/Hindi
|
Health Benefits Of Lady Finger During Pregnancy Bhindi Ke Fawaid
Hamari rozana ki routine mein istemaal honay waali sabziyon mein Qudrat ne Unke andar bahut si bimariyon ke khilaaf quwwat e modafiyat bhi rakhi hai. Agar hum mosalsal aur sahi tareeqay se in sabziyon ka istemaal karein to ye humein bahut si bimariyan aur pareshaniyon se mehfooz rakhti hain. Gehre Sabz rang ki sabziyan ehum ghizai khazana hain. Issi ghizai khazanay se mala maal sabziyon mein se aik Bhindi bhi shaamil hai. Mausam e garma ki pasandida aur hamari marghoob ghiza Bhindi ko sab se pehlay Ethiopia mein daryaft (discovered) kiya giya thaa. Phir wahan se Europe, America, aur Asian mulkon mein mashoor hoti gayee. Ye Misriyon (Egyptian) ki mehboob tareen ghiza hai.Bhindi ka nabatati naam Apeel Moshewis hai. Jab k isay Hindi mein Okra, Arabi mein Baamiya, aur English mein Ladyfinger kehtay hain.Bhindi ka poda 3 se 5 feet bolund hota hai. Aur Iska tanaa rooi daar aur pattay dandanay daar hotay hain. Phool baray aur Neelay rang ke hotay hain. Ghar ke baaghichon mein Bhindi ki kasht asani se ki Jaa sakti hai.Iski gharelu fasal pooray season mein kitchen ki zaroorat poori kar sakti hai.Isay khushk kar k mehfooz bhi kiya Jaa sakta hai. Bhindi ka salan banatay waqt isay ziyada dair bhoona na jaye.Aag par ziyada dair tak pkaanay se iskay Vitamins aur mofeed ajzaa zaiyaa ho jaate hain.Bhindee mein Nishasta, Calcium, Phosphorus, Potassium, Sodium, Gandak, Iodine, Just aur kayi mofeed ajzaa shamil hotay hain.
Bhindi ke beshumaar fawaid hain.Jin mein darj zail faiday ye hain:
(1) Aisay afraad jo mardana quwwat se bilkul mehroom ho chukay hain,Unko chahiye k woh Bhindiyon ki jarr (roots) ka safoof(powder) bana kar isay doodh mein mila kar piya karein.Rozana 1glass aapko aik nayee taaqat day gaa.
(2) Haimila (Pregnant) khawateen ke liye Bhindi ka istemaal bohat mofeed hai.kyon k Bhindee mein Folate paya jaata hai.aur Folate ki kami ki wajah se Haamila aurton ke honay walay bachon mein shadeed jismani kharabian paida ho jaati hain.
(3) Bhindee ka shomaar beghair nishaastay waali Sabziyon mein hota hai,yaani k in mein Carbohydrates ki miqdaar ziyada nahi hoti jaisa k Aaloo(Potato) mein.Aur in ko khaanay se khoon mein sugar ki miqdaar mein izafaa nahi hota.Is liye Bhindee Ziabatus(Sugar) ke mareezon ke liye bhi bohat mofeed ghiza hai.
(4) Bhindiyon ko apni rozana ki khorak mein shaamil kar k aap is mein mojood namkiyat aur Vitamins se bharpoor faida hasil kar saktay hain.
(5) Bhindi Wazan ko kam karne ke liye bhi mofeed sabit hoti hai.
(6) Bhindi mein mojood Fibers se Qabz ki shikayat bhi door ho jaati hai.
(7) Bhindi khaane se Ulcer aur joron ke dard(joints pain) mein bhi Kami aur Araam milta hai.
(8) Iskay elawa Bhindi ke istemaal se Phiphron ke Infection aur galay ki kharabi bhi nahi hoti.
(9) Bhindi mein Vitamin A paaya jaata hai.Vitamin A se aankhon ki roshni tez hoti hai,aur jild ki sehat behtar rehti hai.
(10) Bhindiyon mein Aisay ajzaa paye jaatay hain, jin se munh ke Cancer(Mouth Cancer) mein kami waqia hoti hai.
(11) Bhindi khaane se sardi aur zukam kaam se mehfooz raha Jaa sakta hai.
(12) Garmi ki wajah se bukhar ho jaye to Bhindiyon ka shorba(soup) peenay se bohat faida hota hai.
(13) Baalon ko mazboot aur chamakdar banaata hai.Bhindi ka paani conditioner ke tor par istemaal kiya jaata hai.
(14) Bhindi khaane se Zehni khalfishaar aur jismani kamzori ka khatma ho jaata hai.
